१.      बारा, मिति २०८१/०२/३२ गते आदर्शकोतवाल गाउँपालिका २ खजुरीया निवासी रामराजा (मो.वि.शा) बहुमुखि क्याम्पस कलैयाका तत्कालीन क्याम्पस प्रमुख वर्ष ५० का हरि भुषण प्रसाद कुशवाहालाई गोली हानी हत्या गरेको घट्नाको अनुसन्धानको क्रममा उक्त घट्नामा प्रयोग भएको हतियार कटुवा पेस्तोल थान १, Automatic Pistol Made in U.S.A. लेखिएको पेस्तोलको चेम्बरमा गोली राउण्ड १ लोड भएको पेस्तोल थान १ र Automatic Pistol मा लाग्ने म्याग्जीन थान १ सहित बारागढी गाउँपालिका ५ पथरा टोलमा बस्ने हरिन्दर महरा चमारलाई सोमबार प्रहरीले पक्राउ गरेको छ । प्रहरीले खोजतलास गर्दै जाने क्रममा निज हरिन्दर महरा चमारले आफ्नो बारीमा लुकाई छिपाई राखेको अवस्थामा उक्त हतियार फेला परेको हो । यस सम्बन्धमा प्रहरीले थप अनुसन्धान कार्य गरिरहेको छ ।