सप्तरी, कन्चनपुर नगरपालिका - १० धनकट्टा स्थितबाट लागु औषध गाँजा ८.३७५ किलो ग्राम सहित जिल्ला उदयपुर बेलका नगरपालिका-६ बस्ने हर्क बहादुर माझीको छोरा बर्ष ४९ को बम बहादुर माझीलाई सोमबार बेलुका प्रहरीले नियन्त्रणमा लिएको छ । इलाका प्रहरी प्रहरी कार्यालय कन्चनपुरबाट खटिएको प्रहरी टोलीले गोप्य सुचनाको आधारमा सोही स्थानमा रहेको इन्द्र कला राईको घर जग्गा बिगत दुई बर्ष देखि रेख देख गर्दै आएको हर्क बहादुर माझीले दाउरा राख्ने टहरामा लुकाई छिपाई राखेको उक्त परिमाण बराबरको लागु औषध गाँजा सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।