१.      सिरहा, सिरहा नगरपालिका-१७ पटेर्वा टोल स्थितबाट लागु औषध ब्राउन सुगर जस्तो देखिने पदार्थ ८८० मिली ग्राम सहित सोही स्थान बस्ने राम उदागर मुखिया को छोरा अन्दाजी  बर्ष १८ को अर्जुन मुखिया र जमाल उदिन राइनको छोरा अन्दाजी बर्ष १७ को तारिक राइनलाई बुधवार दिउँसो प्रहरीले नियन्त्रणमा लिएको छ । इलाका प्रहरी कार्यालय माडर सिरहाबाट खटिएको प्रहरी टोलीले चेक जाँच गर्ने क्रममा स ४ प ७१९१ नम्बरको मोटरसाईकललाई चेक जाँच गर्दा उक्त परिमाण बराबरको लागु औषध जस्तो देखिने पदार्थ फेला परेकोले लागु औषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      रौतहट, चन्द्रनिगाहापुऱ नगरपालिका ६ देउराली चोक स्थितबाट लागु औषध (ट्रामाडोल) ३०० पत्तामा ३,००० पिस (तीज हजार पिस)  सहित चन्द्रनिगाहापुर नगरपालिका ७  बस्ने  अन्दाजी बर्ष ५३ को दिपेन्द्र कुमार साहलाई बिहिबार दिउँसो प्रहरीले नियन्त्रणमा लिएको छ । विशेष सुचनाको आधारमा लागु औषध नियन्त्रण ब्यूरो र जिल्ला प्रहरी कार्यालय रौतहटबाट संयुक्त रुपमा खटिएको प्रहरी टोलीले ना ३३ प  ९५३३ नम्बरको मोटरसाईकललाई चेक जाँच गर्ने क्रममा निजको साथबाट उक्त परिमाण बराबरको लागु औषध (ट्रामाडोल) फेला पारेकोले लागु औषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।