१.      सिरहा, सिरहा नगरपालिका २० लकडिगदियानी स्थितबाट श्रोत नखुलेको नेपाली रकम रु. ८,२५,०००/- ( आठ लाख पच्चिस हजार रुपैयाँ), कपाली तमसुक २ थान, विभिन्न बैंकको चेकबुक ५ थान, आरूष रेमिटेन्सको स्टाम्प १ थान, विभिन्न बैंकको ATM कार्ड ५ थान सहित  कल्याणपुर नगरपालिका १ बनिनिया बस्ने आशिष मण्डलको छोरा वर्ष ३० को राशिन्द्र मण्डललाई आईतवार बेलुका प्रहरीले नियन्त्रणमा लिएको छ । प्रहरी चौकी लकडिगदियानीबाट खटिएको प्रहरी गस्ती टोलीले भारतबाट नेपाल तर्फ आउँदै गरेको म.प्र.०२-०१-००३ प २१०२ नम्बरको मोटरसाइकललाई चेक जाँच गर्ने क्रममा निजलाई श्रोत नखुलेको रकम, कपाली तमसुक, चेकबुक र ATM सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।