१.      महोत्तरी, मिति २०८०।०२।०२ गते अं. १७:०० बजेको समयमा जिल्ला महोत्तरी बर्दिबास न.पा. ११ स्थित पुर्व पश्चिम राजमार्ग सडक खण्डबाट अं. ३ कि. मि. उत्तर तर्फ पर्ने बनपथ राष्ट्रिय वन क्षेत्र भित्र भरुवा बन्दुक साथमा बोकि जंगली जनावरको शिकार गरिरहेको छ भन्ने विशेष सुचनाको आधारमा  ई.प्र.का. बर्दिबास महोत्तरीबाट प्र.ना.उ. को कमाण्डमा र प्रहरी चौकि खयरमारा महोत्तरीबाट प्र.स.नि. को कमाण्डमा प्रहरी टोली संयुक्त रुपमा खटि गई खोजतलास गर्ने क्रममा काँधमा भरुवा बन्दुक भिडि हिंडिरहेको अवस्थामा प्रहरी टोलीलाई देखि भाग्ने क्रममा उल्लेखित वन क्षेत्र स्थित बाँके खोलाबाट पुर्व तर्फको जंगलमा लडि ढलि सुकेको हाडे प्रजातिको रुख मुनि थान-२ (दुई) भरुवा बन्दुक लुकाई भाग्दै गर्दा प्रहरी टोलीले लखेटि तत्कालै जिल्ला सर्लाही ईश्वरपुर न.पा. १२ बस्ने शोभा सिंह भोलनको छोरा बर्ष अं. ३५ को लाल बहादुर भोलन (साथमा थान-१ (एक) भरुवा बन्दुक, ऐ.ऐ. बस्ने दिल बहादुर भोलनको छोरा बर्ष अं. ३० को प्रेम बहादुर भोलन (साथमा थान-१ (एक) भरुवा बन्दुक र ऐ.ऐ. बस्ने विर बहादुर स्याङ्तानको छोरा बर्ष अं. ३८ को अमिर स्याङ्तान (जंगली जनावरहरु हेर्दै हिंडिरहेको) लाई नियन्त्रणमा लिई निजहरुले देखाए बमोजिमको थान-२ (दुई) भरुवा बन्दुक बरामद गरी थप अनुसन्धान कार्य भईरहेको ।