अबैध हतियार र गोली सहित १ जना मानिस पक्राउ
२०७८-०७-२८
- A
- A-
- A+
बारा, २०७८ कात्तिक २८ गते । जिल्ला बारा बारागढी गा.पा. ३ खोपवा बजार स्थित झै-झगडा भइरहेको भन्ने प्राप्त सूचनाको आधारमा मिति २०७८/०७/२५ गते राती अं. २०:२० बजे ईलाका प्रहरी कार्यालय बारागढी बाराबाट खटिएको प्रहरी टोली उक्त स्थानमा पुग्दा झगडा गर्ने मानिसहरू तितर बितर भएको र सोही स्थानमा प्रदेश नं.-३-०२-०१०प ७१२३ नं. को मोटरसाइकलमा शंकास्पद अवस्थामा बसिरहेका जिल्ला बारा महागढीमाई नगरपालिका वडा नं. ५ बगडमपुर टोल बस्ने रामएकवाल प्रसाद जयसवालको छोरा वर्ष ३५ को मनोज प्रसाद जयसवालको शरीर चेकजाँच गर्दा निजले कम्मरको भागमा सर्जिकल कम्मरपेटीले बाँधी लुकाई छिपाई राखेको अवस्थामा १ राउण्ड गोली लोड रहेको अवैध नलकटुवा बन्दुक थान-१ फेला परेको हुँदा बरामद गरी निज मनोज प्रसाद जयसवाललाई पक्राउ गरी हातहतियार खरखजाना मुद्दामा सम्मानित बारा जिल्ला अदालतबाट पहिलो पटक दिन ७ को म्याद थप गरी हिरासतमा राखी थप अनुसन्धान कार्य भइरहेको ।