२ महिलालाई जबरजस्ती करणी उद्योग गर्ने व्यक्ति नियन्त्रणमा
२०७८-०७-२८
- A
- A-
- A+
पर्सा, २०७८ कात्तिक २८ गते । पीडितहरू क्रमशः ३८ वर्षीया महिला तथा निजकी २० वर्षकी जेठी छोरी आफ्नै घरमा बसिरहेको अवस्थामा मिति २०७८।०७।२५ गते १३:३० बजे जिल्ला पर्सा जीराभवानी गाउँपालिका वडा नं. १ बस्ने वर्ष १९ को शेख सलाउद्दीन निज पीडितहरूको घरमा अन्य ६|७ जना मानिसहरू साथ लिई गई अन्य व्यक्तिलाई घरबाहिर राखी आफू घरभित्र प्रवेश गरी एक्कासी छोरीलाई आक्रमण गरी निजको सल च्याती फालिदिई आपराधिक बल प्रयोग गरी खाटमा लडाई निजको भित्री वस्त्रसमेत लुगा खोली जबरजस्ती करणी गर्ने उद्योग गरेकोमा पीडित आमाले प्रतिकार गर्न खोज्दा उल्टै आमाको समेत ब्लाउज च्याती निजलाई समेत लडाई ज.क. गर्ने खोजेको; यसक्रममा परिवारको अन्य १ जना सदस्यसमेत आई तीन जना मिली निजको प्रतिकार गर्दा करणी गर्न नपाएको घटनाको सूचनाको आधारमा ईलाका प्रहरी कार्यालय पटेर्वासुगौलीबाट खटिएको टोलीले मिति २०७८।०७।२६ गते १८:०० बजे जिल्ला पर्सा जिराभवानी गा.पा. वडा नं. १ स्थितबाट निज शेख सलाउद्दीनलाई नियन्त्रणमा लिई जिल्ला प्रहरी कार्यालय पर्सामा ल्याई जबरजस्ती करणी उद्योग कसूरमा अनुसन्धान भइरहेको । साथै घटनामा संलग्न अन्य व्यक्तिको खोजतलास भइरहेको ।