४ वर्षे बालकलाई कर्तव्य गरी मार्ने मानिसहरू कारागार चलान
२०७८-०८-१५
- A
- A-
- A+
धनुषा, २०७८ मंसिर १३ गते । जिल्ला धनुषा गणेशमान चारनाथ नगरपालिका वडा नं. ११ डिल टोल बस्ने मजिबुल मिया कवारीको छोरी मुस्कान खातुनको मिति २०७८।०७।०९ गते विवाह रहेकोमा सोही विवाहमा भारतको जिल्ला मधुवनी देउधा ग्राम पंचायत वडा नं. १४ वस्ने मोहम्मद अतावुल राईनको श्रीमती जुमैदा खातुन र निजको छोरा बर्ष अन्दाजी ४ को मोहम्मद अरमान राईन समेत आएकोमा बिवाहको भिडभाड रहेको अवस्थामा निज मो. अरमान राईन आफ्नो आमालाई पछ्याउँदै जिल्ला धनुषा गाणेशमान चारनाथ न.पा.वडा नं.११ स्थित हबिव मिया र नुरेजा खातुनको घरको बिचको सानो गल्ली केरा घारी छेउमा एक्लै रुदै वसेको अवस्थामा ऐ. अं.१४:०० वजेको समयमा निज प्रतिवादीहरु जाकिर मलङ्ग र नुरेजा खातुनले ललाई फकाई कोही कसैलाई थाहा जानकारी नदिई अपहरण गरी आफ्नो घरको कोठामा लगी प्रतिवादी नुरेजा खातुन र जाकिर मलङ्गले मो. अरमान राईनको नाक मुख समेत आफ्नो हातले थुनी घाटी समेत थिची निजले लगाएको सर्ट (कपडा ) खोली सो सर्ट घाँटीमा कसी कर्तव्य गरी मारी सोही रातीको बिहान अं.०२:३० वजेको समयमा मो.अरमान राईनको मृत लाश प्रतिवादी जाकिर मलङ्गले बोकी जिल्ला धनुषा गणेशमान चारनाथ न.पा.वडा नं.२ स्थित रहेको लाल बिहारी महतोको पानी पोखरीमा फालेको अवस्थामा स्थानिय मानिसहरुले खोजतलासको क्रममा मिति २०७८।०७।१० गते १६:०० वजेको समयमा फेला पारेको हुँदा निज प्रतिवादीहरु जाकिर मलङ्ग र नुरेजा खातुनललाई खोज तलाश गर्ने क्रममा यस कार्यालयबाट खटिएको टोलीले मिति २०७८।०७।१६ गते पक्राउ गरी सम्मानित धनुषा जिल्ला अदालतबाट कर्तव्य ज्यान मुद्धामा म्याद थप गरी अनुसन्धान कार्य भई रहेकोमा अनुसन्धना पश्चात निज प्रतिवादी जाकिर मलङ्ग र नुरेजा खातुन समेतलाई धनुषा जिल्ला अदालत धनुषामा पेश गरेकोमा मिति २०७८।०८।१३ गते धनुषा जिल्ला अदालतको आदेशानुसार निज दुवै जनालाई पुर्पक्षको लागी कारागार कार्यालय सिन्धुली पठाईएको ।