खुन डाँका र कर्तव्य ज्यान (दुई वटा) मुद्दाका फरार प्रतिवादी पक्राउ
२०७८-०८-२२
- A
- A-
- A+
सप्तरी, २०७८ मंसिर २२ गते । जिल्ला सप्तरी टिकुलिया गा.बि.स. वडा नं. ७ घर भई जिल्ला सप्तरी कुसहा गा.बि.स. वडा नं. ६ बस्ने ऐनुल मियाँको छोरा बर्ष ३५ को मोहमद सकिल हुसेनले जाहेरवाली जिल्ला सप्तरी टिकुलिया गा.बि.स. वडा नं. ९ घर भई जिल्ला सप्तरी पटेर्वा गा.बि.स. वडा नं. १ बस्ने कैली खातुनको छोरा मोहमद आलम मियाँ कर्तव्य ज्यान मुद्दामा कारागारमा रहेका लाई छुटाई दिन्छु, चार लाख रुपैयाँ खर्च गर्नु पर्छ मलाई काठमाण्डौमा चिनजान छ भनि कुराकानी हुँदा रु. ३,००,०००/- (तीन लाख) मा कुराकानी मिली उक्त रुपैयाँ मोहमद सकिल मियाले जाहेरवाली कैली खातुनबाट लिई मिति २०६९/०६/१० गते सोही मुद्दामा सम्बन्धमा सल्लाह गर्न काठमाण्डौं जानु पर्छ भनि जाहेरवालीको श्रीमान सहबुद मियाँ, बुहारी सगिरा खातुनलाई बोलाई निज मोहमद सकिल हुसेन मियाँले लगेकोमा सोही मिति देखि सहबुद मियाँ, सगिरा खातुन हराई वेपत्ता बनाई जिल्ला सप्तरी कल्याणपुर गा.बि.स. वडा नं. ८ स्थित निज मो. सकिल हुसेन मियाँको कुखुरा फारममा कर्तव्य गरी मारी खाल्डोमा पुरी दिई मिति २०७२।०२।०६ गते उत्खनन गर्दा सहबुद मियाँ, सगिरा खातुनको मानव कंकाल फेला परेको कर्तब्य ज्यान मुद्दामा संलग्न रहेका फरार प्रतिवादी जिल्ला सप्तरी साबिक पटेर्वा गा.बि.स. वडा नं.५ हाल सुरुङगा न.पा. वडा नं. १० थलाहा बस्ने बुदुर मियाँको छोरा बर्ष ६० को गुल्जार मियाँलाई मिति २०७८।०८।२१ गते जि. सिरहा सखुवनन्कारकट्टी गा.पा. वडा नं. १ महेशवारी टोल स्थितमा लुकिछिपी बसिरहेको भन्ने गोप्य सुचनाको आधारमा पक्राउ गरेको ।
साथै भुली देवी मुखियाको छोरी दुलारी देवी साह र ज्वाईं धिरेन्द्र साह कर्तव्य ज्यान मुद्दामा पुर्पक्षका लागी कारागारमा रहेकोमा केही समय पछी छोरी दुलारी देवी साह तारीखमा छुटेकोमा श्रीमानको मुद्दा मिलाउने र कारगारबाट छुटाउने क्रममा मो. सकिल हुसेनसंग भेटघाट हुँदा तिम्रो श्रीमानलाई छुटाई दिन्छु भनि निजको जग्गा बिक्री गरी गराई रु. ६ लाख रुपैयाँ तयार पारी निज मो. सकिल हुसेन मियाँले मिति २०७० मंसिर महिनाको पहिलो हप्ता तिर धिरेन्द्र साहलाई कारागारमा भेटघाट गर्न दुलारी देवी साहलाई साथमा लिई गएकोमा सोही समय देखि निज दुलारी साह हराई वेपता भएकोमा मिति २०७२।०१।२७ गते जिल्ला सप्तरी साबिक जण्डौल गा.बि.स. वडा नं. ८ स्थित चुरे जंगलको फेदी कुलो कल्भर्टमा निज दुलारी देवी साहको मानव कंकाल फेला परेको खुनडाँका मुद्दामा संलग्न रहेका फरार प्रतिवादी जिल्ला सप्तरी साबिक पटेर्वा गा.बि.स. वडा नं.५ हाल सुरुङगा नगरपालिका वडा नं.१० थलाहा बस्ने बुदुर मियाँको छोरा बर्ष ६० को गुल्जार मियाँलाई मिति २०७८।०८।२१ गते जि. सिरहा सखुवनन्कारकट्टी गा.पा. वडा नं. १ महेशवारी टोल स्थिमा लुकिछिपी बसिरहेको भन्ने गोप्य सुचनाको आधारमा पक्राउ गरेको ।