१.     सिरहा, लहान नगरपालिका ७ दुर्गा मन्दिर स्थितबाट चाँदीको जस्तो देखिने गर-गहना ८ के.जी. (मुल्य रु. १० लाख ४० हजार) बराबरको गहना सहित जिल्ला मोरङ उर्लाबारी नगरपालिका ५ बस्ने बर्ष ३० को दिपेन्द्र बिकलाई आईतवार राती प्रहरीले नियन्त्रणमा लिएको छ । इलाका  प्रहरी कार्यालय लहानबाट खटिएको प्रहरी टोलीले बिशेष सुचनाको आधारमा लहान बजारबाट दुर्गा मन्दिर तर्फ पैदल आउँदै गरेको निजलाई चेकजाँच गर्ने क्रममा श्रोत नखुलेको विभिन्न चाँदिको जस्तो देखिने गर-गहनाहरु सहित नियन्त्रणमा लिई राजश्व अनुसन्धान कार्यालय ईटहरी, सुनसरीमा बुझाईएको छ ।