बारा जितपुर सिमरा उपमहानगरपालिका २१ अम्लेखगंज स्थितबाट २४० के.जी. लागू औषध गाँजा सहित ना.४ ख. २०६३ नम्बरको ट्रक, ट्रक चालक जिल्ला चितवन राप्ती नगरपालिका ३ झुरझुरे बस्ने वर्ष २६ को विज्ञान तिमल्सिना र सह-चालक सोही स्थान बस्ने वर्ष १८को बाबु काजी परियारलाई सोमबार बेलुका प्रहरीले नियन्त्रणमा लिएको छ । इलाका प्रहरी कार्यालय अम्लेखगंजबाट खटिएको प्रहरी टोलीले विशेष सुचनाको आधारमा चेक जाँच गर्ने क्रममा हेटौंडाबाट पथलैया तर्फ जाँदै गरेको ट्रकलाई उक्त परिमाणको लागू औषध गाँजा सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।