भन्सार छली ल्याएको खुद्रा सामान तथा लत्ताकपडाहरू लोड रहेको ट्रक सहित मानिस नियन्त्रणमा
२०७८-०८-२४
- A
- A-
- A+
पर्सा, २०७८ मंसिर २४ गते । विल विजक भन्दा बढी विभिन्न किसिमका लत्ताकपडा तथा खुद्रा मालबस्तुहरू लोड गरी पोखरातर्फ लग्दै गरेको सूचना प्राप्त भई जिल्ला प्रहरी कार्यालय पर्साबाट खटिएको टोलीले मिति २०७८।०८।२२ गते अं. २३:४० बजे जिल्ला पर्सा वीरगञ्ज महानगरपालिका वडा नं.८ स्थित घण्टाघर सडक खण्डमा ना.३ ख. २२९ नम्बरको मालवाहक ट्रकलाई रोकी जाँच गर्ने क्रममा सूचना अनुरूप नै भन्सार छली गरी ल्याइएका विभिन्न किसिमका लत्ताकपडा तथा खुद्रा सामानहरू फेला परेको हुँदा उक्त ट्रक तथा चालक जिल्ला बारा जितपुर सिमरा उप-महानगरपालिका वडा नं.९ बस्ने वर्ष २५ को सागर रायलाई नियन्त्रणमा लिई रू. ५०,००,०००।–(पचास लाख) मूल्याङ्कन गरी आवश्यक कारवाहीको लागि मिति २०७८।०८।२३ गते राजश्व अनुसन्धान कार्यालय पथलैया, बारामा बुझाइएको ।