लागू औषध सहित मानिस नियन्त्रणमा
२०८१-०६-१३
- A
- A-
- A+
१. धनुषा, मिथिला नगरपालिका ६ ढल्केवर चोक स्थितबाट लागू औषध ब्राउन सुगर जस्तो देखिने पदार्थ १०.६५० ग्राम सहित जनकपुर उ.म.न.पा. १ भानुचोक बस्ने बर्ष २५ को रबिन्द्र ठाकुर र बर्ष २४ को अमित कुमार साहलाई आईतवार बिहान प्रहरीले नियन्त्रणमा लिएको छ । इलाका प्रहरी कार्यालय ढल्केवरबाट खटिएको प्रहरी टोलीले जनकपुरबाट बर्दिवास तर्फ जाँदै गरेको मधेश प्रदेश-०२-००६प ५१०७ नम्बरको मोटरसाइकललाई चेक जाँच गर्ने क्रममा ब्राउन सुगर जस्तो देखिने लागू औषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।
२. सर्लाही,
लालबन्दी नगरपालिका ३ सिसुवा स्थित लालबन्दी हरिपुर भित्री सडक खण्डबाट १० किलो ग्राम
लागू औषध गाँजा आईतवार दिउँसो प्रहरीले बरामद गरेको छ । इलाका प्रहरी कार्यालय
लालबन्दीबाट खटिएको प्रहरी टोलीले एरिया गस्ती गर्दै जाने क्रममा लालबन्दीबाट
हरिपुर तर्फ जाँदै गरेको नम्बर नखुलेको भारतीय मोटरसाइकलमा सवार २ जना पुरुष व्यक्तिहरुले
प्रहरीलाई देख्ना साथ झोला फाली फरार भएकोमा उक्त झोला खोली हेर्दा १० किलो ग्राम लागू औषध गाँजा फेला परेकोले हो ।
यस सम्बन्धमा प्रहरीले आवश्यक अनुसन्धान गरिरहेको छ ।