लागू औषध सहित मानिस नियन्त्रणमा
२०८१-०६-२१
- A
- A-
- A+
१. पर्सा, बिरगंज महानगरपालिका १४ गण्डक चेकपोष्ट स्थितबाट लागू औषध NITRAVET 10 ट्याब्लेट ३० पत्तामा ४५० पिस ट्याब्लेट सहित जिल्ला चितवन भरतपुर म.न.पा. १० बिशाल टोल बस्ने कृष्ण तामाङको छोरा वर्ष २७ को समिर तामाङलाई आईतवार दिउँसो प्रहरीले नियन्त्रणमा लिएको छ । प्रहरी चौकी गण्डकबाट खटिएको प्रहरी टोलीले चेकजाँच गर्ने क्रममा बिरगंजबाट नारायणघाट तर्फ जाँदै गरेको बा.प्र.०६-००१ ज ००३५ नम्बरको यात्रुबाहक E.V. गाडीलाई रोकी चेकजाँच गर्दा गाडीमा सवार निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।
२.
धनुषा, नगराईन नगरपालिका २
स्थितबाट लागू औषध नाईट्राभेट-१० लेखिएको ट्याब्लेट १५ पिस र इक्सिपलोन सिरप १ पिस
सहित जनकपुर उ.म.न.पा. ४ बस्ने वर्ष २६ को संतोष यादव र जनकपुर उ.म.न.पा. १६ बस्ने
वर्ष २२ को ध्रुब साहलाई आईतवार राती प्रहरीले नियन्त्रणमा लिएको छ । इलाका प्रहरी
कार्यालय लग्मा जटहीबाट खटिएको प्रहरी टोलीले भारतबाट नेपाल तर्फ आउँदै गरेको
बा.९१ प ६५०२ नम्बरको मोटरसाइकललाई चेकजाँच गर्दा निजहरुलाई उक्त लागू औषध सहित नियन्त्रणमा
लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।