१.     बारा, जबरजस्ती करणी मुद्दामा २ बर्ष ६ महिना कैद र रु. ३०,०००/- (तीस हजार रुपैयाँ) जरिवाना तोकिएको फरार प्रतिवादी जिल्ला बारा जितपुर सिमरा उपमहानगरपालिका ७ कथामिल बस्ने बर्ष २२ को करण सहनीलाई बुधवार बिहान प्रहरीले नियन्त्रणमा लिएको छ । इलाका प्रहरी कार्यालय जितपुरबाट खटिएको प्रहरी टोलीले खोजतलास गर्दै जाने क्रममा जितपुर सिमरा उपमहानगरपालिका ७ केराढोकाबाट नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।