१.     बारा, अपहरण शरीर बन्धक तथा जवरजस्ती करणी मुद्दामा १० बर्ष कैद र रु.५,००,०००/- जरिवाना भएको फरार प्रतिवादी सिम्रौनगढ नगरपालिका १ बस्ने बर्ष २५ को अनिष कुमार बैठालाई बिहिवार दिउँसो प्रहरीले नियन्त्रणमा लिएको छ । इलाका प्रहरी कार्यालय सिम्रौनगढबाट खटिएको प्रहरी टोलीले खोजतलास गर्दै जाने क्रममा निजलाई  घर वतनबाटै नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.     सप्तरी, अपराधिक उपद्रव मुद्दामा १ बर्ष ११ महिना ८ दिन कैद र रू. २०,०००/- जरिवाना तोकिएको फरार प्रतिवादी कन्चनरुप नगरपालिका ८ कटवारी टोल बस्ने सागर चौधरीलाई बुधवार दिउँसो प्रहरीले नियन्त्रणमा लिएको छ । इलाका प्रहरी कार्यालय कन्चनपुरबाट खटिएको प्रहरी टोलीले खोजतलास गर्दै जाने क्रममा निजलाई घर वतन एरियाबाटै नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।