बालक अपहरण गर्ने मानिस पक्राउ
२०७८-०९-११
- A
- A-
- A+
धनुषा, २०७८ पुस ११ गते । रासलाल मुखियाको १ बर्ष २ महिनाको छोरा कृष्ण मुखिया हराएको (अपरिचित मानिसले अपहरण गरी लगेको) भन्ने व्यहोराको खबर प्राप्त हुन साथ जि.प्र.का. धनुषाबाट प्र.ना.नि. को कमाण्डमा सदापोशाकको प्रहरी टोली खटी गई खोजतलास गर्दै जाने क्रममा निज बालक कृष्ण मुखियालाई भारत बिहार राज्यको जिल्ला सितामढी ग्राम पञ्चायत बाजपट्टि वडा नं.१० घर भई हाल जिल्ला धनुषा जनकपुरधाम उप-महानगरपालिका वडा नं. १६ पुल चोक स्थित डेरा कोठा गरी बस्ने बाबुलाल ठाकुरको छोरा बर्ष २५ को सुरेश ठाकुरले अपहरण गरी लगेको खुलेपछि निज बालकको आमा संगीता मुखिया समेतलाई साथमा लिई खोजतलास गर्दै जाने क्रममा जिल्ला धनुषा नगराईन नगरपालिका वडा नं.२ स्थित नेपाल भारतको सिमाना नजिकै सुरेश ठाकुरले बच्चालाई लिएर भारत तर्फ भाग्दै गरेको अवस्थमा मिति २०७८।०९।०८ गते अं. १६;०० बजेको समयमा फेला परेकोमा निज सुरेश ठाकुरलाई तत्कालै नियन्त्रणमा लिई बालक कृष्ण मुखियालाई उद्वार गरी बालक कृष्ण मुखियाको आमा संगिता मुखियाको जिम्मा लगाई निज प्रतिवादी सुरेश ठाकुरलाई धनुषा जिल्ला अदालतबाट अपहरण तथा शरीर बन्धक मुद्दा शिर्षकमा म्याद थप गरी थप अनुसन्धन कार्य भईरहेको ।