पर्सा, बिरगंज महानगरपालिका १६ बसपार्क स्थित देवदरबार होटल अगाडी चालिस फिटे सडक खण्डबाट लागू औषध खैरो हेरोईन जस्तो देखिने पदार्थ अन्दाजी ७१ ग्राम सहित जितपुर सिमरा उपमहानगरपालिका ७ बोरिङ टोल बस्ने बर्ष २५ को अमजद मिया र बर्ष ३४ को सुरज प्रसाद सर्राफलाई मंलवार राती प्रहरीले नियन्त्रणमा लिएको छ । प्रहरी चौकी बसपार्क र लागू औषध नियन्त्रण ब्युरो बिरगंजबाट खटिएको संयुक्त प्रहरी टोलीले चेक जाँच गर्ने क्रममा निजहरुलाई उक्त परिमाणको लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।