१.    बारा, जितपुर सिमरा उपमहानगरपालिका १ पथलैया चोकबाट लागू औषध (ONEREX) अनेक्स-३५ बोतल सहित देश भारत बिहार राज्य पश्चिम चम्पारण जिल्ला शमपुखा ग्राम वडा नं. ७ बस्ने वर्ष १८ को अजय साहलाई आईतवार बेलुका प्रहरीले नियन्त्रणमा लिएको छ । प्रहरी चौकी पथलैयाबाट खटिएको प्रहरी चेकिङ टोलीले  चेक जाँच गर्ने क्रममा निजलाई उक्त परिमाण बराबरको लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.    सर्लाही, मलंगवा नगरपालिका ८ स्थितबाट लागू औषध WINCEREX COUGH SYRUP 100 ml को ८ बोतल सहित हरिपुर नगरपालिका ६ बस्ने बासुदेव महतोको श्रीमती बर्ष ३४ की सिता देवी महतोलाई आईतवार बेलुका प्रहरीले नियन्त्रणमा लिएको छ । प्रहरी चौकी गोरखकालीबाट खटिएको प्रहरी टोलीले भन्सार चेक पोष्ट अगाडी भारतको सोनबर्षाबाट मलंगवा तर्फ आउँदै गरेको निजलाई चेकजाँच गर्ने क्रममा उक्त परिमाण बराबरको लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।