पर्सा, वीरगञ्ज महानगरपालिका वडा नं.२० हरपतगञ्ज चोक स्थितबाट प्रतिवन्धित लागु औषध गाँजा ५० किलो सहित जिल्ला पर्सा बहुदरमाई नगरपालिका १ बिश्रामपुर बस्ने वर्षा ४० को पारस यादव, जिल्ला पर्सा बहुदरमाई नगरपालिका १ बिश्रामपुर  बस्ने वर्ष ५२ को मैनादिन मियाँ, जिल्ला पर्सा बहुदरमाई नगरपालिका ७ तिनटोलिया बस्ने वर्ष ३६ को अकवर मियाँ र जिल्ला पर्सा बहुदरमाई नगरपालिका ७ छप्कैया बस्ने वर्ष २३ को शिव महतोलाई मंगलवार राती प्रहरीले नियन्त्रणमा लिएको छ । जिल्ला प्रहरी कार्यालय पर्साबाट खटिएको प्रहरी टोलीले विशेष सूचनाको आधारमा हरपतगञ्ज चोक स्थित सडक भन्दा अं.५०० मिटर पश्चिमपट्टी कुलोको बाटो हुँदै चार जना अपरिचित मानिसहरू टाउकोमा प्रतिवन्धित लागु औषध गाँजा ४ पोका बोकी जाँदै गरेको अवस्थामा फेला पारी निजहरूलाई नियन्त्रणमा लिईएको छ । यस सम्बन्धमा प्रहरीले आवश्यक अनुसन्धान गरिरहेको छ ।