१.    बारा, सुबर्ण गाउँपालिका ३ बकतौराबाट ६३ किलो २०० ग्राम लागू औषध गाँजा आईतवार बेलुका प्रहरीले बरामद गरेको छ । प्रहरी चौकी अमृतगंज खजानी र इलाका प्रहरी कार्यालय सिम्रौनगढ बाराबाट खटिएको संयुक्त प्रहरी गस्ती टोलीलाई देख्ना साथ नेपालबाट भारत तर्फ जाँदै गरेको बा.प्रदेश-०२ ०४१ प ५७३७ र ना ६३ प ३९८८ नम्बरको मोटरसाइकल छोडी मानिसहरु फरार भएकोमा उक्त मोटरसाईकलमा रहेको सामानहरु चेक जाँच गर्दा उक्त परिमाण बराबरको लागू औषध फेला परेकोले प्रहरीले मोटरसाईकल सहित उक्त लागू औषध नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.    सर्लाही, लालबन्दी नगरपालिका १५ स्थित कालिन्जोर खोलाबाट ११० के.जी. लागू औषध गाँजा आईतवार बेलुका प्रहरीले बरामद गरेको छ । कालिन्जोर खोलाको काँस घारीमा लागू औषध गाँजा लुकाई छिपाई ओसार पसार गर्न राखेको छ भन्ने गोप्य सुचनाको आधारमा लागु औषध नियन्त्रण ब्युरो शाखा कार्यालय बर्दिबास, इलाका प्रहरी कार्यालय लालबन्दी र अस्थाई प्रहरी पोष्ट परवानिपुरबाट खटिएको संयुक्त प्रहरी टोलीले उक्त स्थानमा खोज तलास गर्दै जाने क्रममा कालिन्जोर खोलाको उतर पट्टी काँस घारीबाट उक्त परिमाण बराबरको लागू औषध बरामद गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।