नक्कली कागजातहरू तयार गरी स्थानीय मानिसहरूलाई ठगि गर्ने मानिस पक्राउ
२०७८-०९-२०
- A
- A-
- A+
धनुषा, २०७८ पुस २० गते । जिल्ला धनुषा जनकपुरधाम उप महानगरपालिका वडा नं. ८ स्थित सीता प्यालेस होटल अगाडी मिति २०७८।०९।१८ गते राती अं. १९;०० बजेको समयमा केही व्यक्तिहरुले आफु लोक सेवा आयोग तथा नेपाल रेल्वे कम्पनी लिमिटेडको पदाधिकारी तथा कर्मचारी रहेको भनी नियुक्ति पत्र लगायतका कागजातहरु स्थानीय मानिसहरुलाई देखाई ठगी गरिरहेको छ भन्ने समेतको सुचना प्राप्त हुन साथ तत्काल जिल्ला प्रहरी कार्यालय धनुषाबाट प्रहरी अधिकृत सहितको टोली खटि गई शंकास्पद रुपमा एक जना व्यक्तिलाई फेला पारी नाम, थर, वतन सोधपुछ गर्दा जिल्ला महोत्तरी पिपरा गाउँपालिका वडा नं. ७ दनौली बनौली बस्ने बिमलेश चौधरीको छोरा वर्ष ३२ को सागर कान्त चौधरी भनी बताएकोमा स्थानिय मानिसहरुको रोहवरमा कानून वमोजिम रित पुर्याई निजको शरीर खानतलासी गर्दा निजले लगाएको ज्याकेटको भित्र पट्टीको गोजीमा लोक सेवा आयोग नियुक्ति नतिजा प्रकाशन शाखा, नेपाल रेल्वे कम्पनी लिमिटेड कम्पनी लेखिएको पाना १, नेपाल रेल्वे कम्पनी लिमिटेड संतोष रायको नामको नियुक्ति पत्र पाना १, संतोष रायकै नामको शपथ ग्रहण पाना १, लोक सेवा आयोग नियुक्ति नतिजा प्रकाशन शाखा, नेपाल रेल्वे कम्पनी लिमिटेड लेखिएको पत्र पाना १, नेपाल रेल्वे कम्पनी लिमिटेड शंकर यादवको नामको नियुक्ति पत्र पाना १, शंकर यादवकै नामको सपथ ग्रहण पाना १, नेपाल ईन्भेष्ट बैंक लि.को राजेश कापरको नाउको दस्तखत भएको खाली चेक थान २, पर्सा जिल्ला अदालत विरगंज लेखिएको रबर स्टाम्प छाप थान १ फेला परेकोमा बरामद सो कागजात समेतको बारेमा निज सागर कान्त चौधरीसँग सोधपुछ गर्दा लोक सेवा आयोग तथा नेपाल रेल्वे कम्पनी लिमिटेडको नक्कली कागजातहरु तयार गरी स्थानिय मानिसहरुलाई ठगी गर्न भनी आफुले लोक सेवा आयोग तथा नेपाल रेल्वे कम्पनी लिमिटेडको पदाधिकारी तथा कर्मचारी रहेको भनी नक्कली नियुक्ति पत्र तयार गरी बाँडिरहेको छु भनी बताउँदा निज सागर कान्त चौधरीलाई नियन्त्रण लिई जिल्ला प्रहरी कार्यालय धनुषामा ल्याई धनुषा जिल्ला अदालतबाट लिखत सम्बन्धी कसुर मुद्दा शिर्षकामा ७ दिनको म्याद लिई थप अनुसन्धान कार्य भईरहेको ।