१.      बारा, जितपुरसिमरा उपमहानगरपालिका १ पथलैया स्थितबाट ४.५ किलो ग्राम लागू औषध गाँजा सहित देश भारत बिहार राज्य बेतिया जिल्ला ग्राम भवरा ८ बस्ने वर्ष ४५ को बिजय श्रीवास्तवलाई मिति २०८१/१०/२८ गते सोमबार दिउँसो प्रहरीले नियन्त्रणमा लिएको छ । प्रहरी चौकी पथलैयाबाट खटिएको प्रहरी टोलीले नारायणघाटबाट बिरगंज तर्फ आउँदै गरेको ना ६ ख ५३०९ नम्बरको यात्रुबाहक बसलाई चेक जाँच गर्ने क्रममा उक्त परिमाण बराबरको लागू औषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, सिरहा नगरपालिका ७ ट्राफिक चोक स्थितबाट लागू औषध NITRAVET-10 ट्याब्लेट ६ पत्ता (९४ पिस) सहित जिल्ला सर्लाही मलंगवा नगरपालिका १० बस्ने बर्ष ३७ को संतोष कुमार कर्णलाई मिति २०८१/१०/२८ गते सोमबार बेलुका प्रहरीले नियन्त्रणमा लिएको छ । जिल्ला प्रहरी कार्यालय सिरहाबाट खटिएको प्रहरी गस्ति टोलीले चोहर्वा तर्फ जाँदै गरेको पैदल यात्रीलाई चेक जाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      बारा, जितपुर सिमरा उपमहानगरपालिका २ स्थितबाट लागू औषध अफिम १३ किलो सहित जिल्ला मकवानपुर मनहरी गाउँपालिका ६ बस्ने बर्ष ५४ को सुर्य बहादुर मोक्तान र जिल्ला मकवानपुर कैलाश गाउँपालिका ८ बस्ने बर्ष ४५ को भिम बहादुर मोक्तानलाई मिति २०८१/१०/२९ गते मंलवार बिहान प्रहरीले नियन्त्रणमा लिएको छ । बिशेष सुचनाको आधारमा प्रहरी चौकी पथलैयाबाट खटिएको प्रहरी टोलीले हेटौंडाबाट बिरगंज तर्फ जाँदै गरेको प्र.नं.२-०३-००१ प १६१४ नम्बरको स्कुटीलाई चेक जाँच गर्ने क्रममा उक्त परिमाण बराबरको लागू औषध र रु. १,३३,६५५/- नगद सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।