बारा, जितपुर सिमरा उपमहानगरपालिका २१ स्थितबाट ४ किलो ग्राम लागू औषध अफिम, ७.२० किलो ग्राम लागू औषध गाँजा र नगद रु. २०,०००/- सहित जिल्ला धादिङ गजुरी गाउँपालिका ३ नाङगी टोल बस्ने वर्ष २९ को सुन बहादुर थिङग र निजगढ नगरपालिका १३ डमरपुर बस्ने वर्ष २२ को संजय मोक्तानलाई बुधवार दिउँसो प्रहरीले पक्राउ गरेको छ । अवैध लागू औषध बोकी मोटरसाइकलमा हिँडिरहेको भन्ने गोप्य सुचना प्राप्त हुनासाथ इलाका प्रहरी कार्यालय अमलेखगन्जबाट खटिएको प्रहरी टोलीले हेटौंडाबाट बिरगंज तर्फ जाँदै गरेको प्र.३-०२-००७ प ८२३९ नम्बरको मोटरसाइकललाई चेक जाँच गर्ने क्रममा निजहरुलाई उक्त परिमाण बराबरको लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।