१.    सर्लाही, बिष्णु गाउँपालिका २ बाराउधोरण स्थितबाट लागू औषध COREX DX -१५ बोतल सहित देश भारत जिल्ला सितामाढी सिम्हरिया बस्ने बर्ष ३८ को मुन्ना यादवलाई मंगलवार दिउँसो प्रहरीले नियन्त्रणमा लिएको छ । प्रहरी चौकी बाराउधोरण र सशत्र प्रहरी बलबाट खटिएको संयुक्त टोलीले भारतबाट नेपाल तर्फ आउँदै गरेको BR 30 AM 9228 नम्बरको मोटरसाईकललाई चेक जाँच गर्ने क्रममा निजलाई उक्त लागू औषध  सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.    धनुषा, नगराईन नगरपालिका १ हांसपट्टी स्थितबाट लागू औषध गाँजा १ किलो ३०० ग्राम सहित सोही स्थान बस्ने बर्ष २३ को चन्दन कुमार साहलाई मंगलवार बेलुका प्रहरीले नियन्त्रणमा लिएको छ । चन्दन कुमार साहले संचालन गरेको चन्दन कोल्ड स्टोरमा लागू औषध (गाँजा) बिक्री वितरण भईरहेको भन्ने खबर प्राप्त हुना साथ इलाका प्रहरी कार्यालय फुलगामाबाट खटिएको प्रहरी टोलीले निजको घरमा खानतलासी गर्दा लागू औषध गाँजा फेला परेकोले उक्त गाँजा सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।