धनुषा, जनकपुर उपमहानगरपालिका-१२ एयरपोर्ट मोडबाट लागू औषध खैरो हिरोईन जस्तो देखिने पदार्थ १.२२ ग्राम सहित जनकपुर उपमहानगरपालिका १ मिल्स एरिया बस्ने वर्ष ३१ को जितेन्द्र साहलाई बिहीवार बेलुका प्रहरीले नियन्त्रणमा लिएको छ । विशेष सुचनाको आधारमा जिल्ला प्रहरी कार्यालय धनुषाबाट खटिएको प्रहरी टोलीले जनकपुरबाट जटही तर्फ पैदल जाँदै गरेको निजलाई खानतलासी गर्दा उक्त परिमाण बराबरको लागू औषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।