बारा, कोल्हबी नगरपालिका ५ सोनाभार स्थितबाट लागू औषध गाँजा ५६ किलो ग्राम सोमबार बेलुका प्रहरीले बरामद गरेको छ । बिशेष सुचनाको आधारमा इलाका प्रहरी कार्यालय कोल्हबी र प्रहरी चौकी बारागढीबाट खटिएको  संयुक्त प्रहरी टोलीलाई कुमरगढीबाट सोनाभार टोल तर्फ आउँदै गरेको नम्बर नखुलेको मोटरसाईकल चालकले प्रहरी टोलीलाई देख्ना साथ २ वटा बोरा फाली मोटरसाईकल लिई फरार भएकोमा उक्त बोरा खोली हेर्दा उक्त परिमाण बराबरको लागू औषध गाँजा फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।