बारा, फेटा गाउँपालिका-३ चौतारा स्थितबाट लागु औषध ब्राउन सुगर जस्तो देखिने पदार्थ १५८ ग्राम ९१० मिलि ग्राम सहित ट्याक्टर चालक देश भारत शिवनगर इनर्वा पञ्चायत पुर्वी चम्पारण-२ बस्ने चन्द्रीका पटेलको छोरा अन्दाजी वर्ष ३० को टुटु कुमार, सोही स्थान बस्ने अम्जद अंसारीको छोरा अन्दाजी वर्ष ३२ को टुटु अंसारीलाई बुधबार दिउँसो प्रहरीले नियन्त्रणमा लिएको छ । घोडासाहनबाट फेटा तर्फ आउँदै गरेको नेपाली नम्बर प्लेटको ट्याक्टरको ट्याङ्कीमा लागु औषध ब्राउन सुगर बोकी हिँडेको भन्ने विशेष सूचनाको आधारमा जिल्ला प्रहरी कार्यालय बाराबाट खटिइएको प्रहरी टोलीले  ना ३ त ४७१४ नम्बरको ट्याक्टरलाई रोकी चेकजाँच गर्दा ट्याक्टरको तेल ट्याङकी भित्र कालो प्लाष्टिकको ४ वटा पोका भित्र लागु औषध ब्राउन सुगर जस्तो देखिने कालो प्लाष्टिकमा बेरी ट्याक्टरको तेल ट्याङकी भित्र लुकाई छिपाई राखेको अवस्थामा फेला पारी ट्याक्टर सहित निजहरुलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।