सर्लाही, पर्सा गाउँपालिका-२ रबि होटल स्थितबाट सानो कटुवा पेस्तोल थान १ र सोको गोली थान १ सहित  सोहि स्थान वडा नम्बर-४ बस्ने राजदेव साहको छोरा अन्दाजी बर्ष-२३ को दिपक साहलाई शनिबार दिउँसो प्रहरीले नियन्त्रणमा लिएको छ । हतियार सहित बसिरहेको छ भन्ने विशेष सूचनाको आधारमा  प्रहरी चौकी नारायणपुरबाट खटिएको प्रहरी टोलीले रबि होटलबाट दिपक साहलाई नियनत्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।