१. सर्लाही, हरिवन नगरपालिका-४ पटौना स्थितबाट लागु औषध गाँजा-१५ किलो २०३ ग्राम सहित जिल्ला सिन्धुली हरिहरपुर गाउँपालिका-७ बस्ने बनोर बलको छोरा बर्ष-२१ को सबिन बललाई मंगलबार  दिउँसो प्रहरीले नियन्त्रणमा लिएको छ । ईलाका प्रहरी कार्यालय हरिवनबाट खटिएको प्रहरी टोलीले पटौना स्थित भित्रि सडक खण्डमा सिन्धुलीबाट हरिवन तर्फ आउँदै गरेको प्रदेश ३-०२-०१० प ८२९३ नम्बरको मोटरसाईकललाई  रोकी चेक जाँच गर्ने क्रममा मोटरसाईकलमा ल्याएको  झोलाभित्र लुकाई छिपाई ल्याएको लागु औषध गाँजा फेला पारी निज लाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ । 

२. सिरहा, लहान नगरपालिका- १७ बलान खोला स्थितबाट लागु औषध ONEREX 100 ML‍-४४३ बोतल सहित सिराहा लहान नगरपालिका-१५ बस्ने सोनेलाल यादबको छोरा बर्ष २१ को सन्तोष यादब र सोही स्थान वडा नम्बर- १६ मा बस्ने बिजल यादवको छोरा बर्ष २२ को जितेन्द्र यादबलाई बुधबार दिउँसो प्रहरीले नियन्त्रणमा लिएको छ । बलान खोलामा केहि मानिसहरुले भारतबाट लागु औषध खरिद गरी बलान खोलाको बगर  हुँदै लहान तर्फ आउँदै गरेको भन्ने गोप्य सूचनाको आधारमा जिल्ला प्रहरी कार्यालय सिरहा, ईलाका प्रहरी कार्यालय लहान र प्रहरी चौकी लहानबाट संयुक्त रुपमा खटिएको टोलीले चेकजाँच गर्ने क्रममा बलान खोलाको बगरमा बोराको पोका बोकेर आईरहेको  मानिसहरुलाई चेक जाँच गर्ने क्रममा निजहरुको साथबाट ONEREX 100 ML‍-२४० बोतल,  सोही स्थानमा लुकाई छिपाई राखेको बोराको पोकामा ONEREX 100 ML‍- २०३ बोटल र म.प्र. ०१-००४ प ५९८५ नम्बरको मोटरसाईकल र स ३ प १७२ नम्बरको मोटरसाईकल सहित निजहरुलाई नियन्त्रणमा लिएको हो । यस  सम्बन्धमा प्रहरीले आवश्यक अनुसन्धान गरिरहेको छ ।