१.     पर्सा, बिरगंज महानगरपालिका-२१ परवानिपुर चौक स्थितबाट लागु औषध चरेश ३१९ किलो ग्राम सहित जिल्ला मकवानपुर थाह नगरपालिका वडा नं. १२ बस्ने वर्ष ३६ को बुद्धी बहादुर स्याङ्तानलाई बुधबार दिउँसो प्रहरीले नियन्त्रणमा लिएको छ । विशेष सूचना आधारमा जिल्ला प्रहरी कार्यालय पर्सा र प्रहरी चौकी सिर्सियाबाट खटिएको संयुक्त प्रहरी टोलीले काठमाण्डौबाट वीरगञ्जतर्फ आउदै गरेको प्रदेश २-०३-००१ ख ६३४८ नम्बरको मालवाहक ट्रकलाई खोजतलास गर्ने क्रममा जिल्ला पर्सा वीरगञ्ज महानगरपालिका वडा नं.२१ परवानीपुर चोक स्थित सडकखण्डमा रोकी राखेको अवस्थामा फेला पारी नियन्त्रणमा लिइ ट्रक तथा चालकको कानूनी रित पुर्‍याइ खानतलासी गर्दा उक्त ट्रकको पछाडि सामान बोक्ने भागमा सेतो प्लाष्टिकको बोराभित्र सुनियोजित तरिकाले लुकाइ छिपाइ राखिएको अवस्थामा लागु औषध चरेश १३ पोका फेला परेको र चालक बुद्धी बहादुर स्याङ्तानले लगाएको हाफ पाइन्टको दाहिने खल्तीमा नेपाली रू.१,९२,०००।– ( एक लाख बयानब्बे हजार ) समेत फेला परेकोले उल्लेखित नम्बरको मालबाहक ट्रक र बरामद लागु औषध चरेश सहित निज बुद्धी बहादुर स्याङ्तानलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

२.    रौतहट, गौर नगरपालिका-१ भन्सार कार्यालय स्थितबाट लागु औषध Noophin, Cerejack, Phenargan) ५०/५० एम्पुल गरी १५० एम्पुल सहित जिल्ला स्याङ्जा हरिबाश गाउँपालिका-४ बस्ने अन्दाजी बर्ष ३१ को निल कुमार थापा मगरलाई बुधबार दिउँसो प्रहरीले नियन्त्रणमा लिएको छ । भन्सार सुरक्षा गार्ड रौतहट खटिएको प्रहरी टोलीले चेक जाँच गर्ने क्रममा भारतबाट नेपाल तर्फ आउदै गरेको निल कुमार थापा मगर माथि शंका लागि चेकजाँच गर्दा निजको साथबाट लागु औषध फेला पारी नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

३.    बारा, जितपुर-सिमरा उप-महानगरपालिका-१७ रामनगर चोक स्थितबाट लागु औषध गाँजा अन्दाजी २० किलो ग्राम बिहिबार दिउँसो प्रहरीले नियन्त्रमा लिएको छ । प्रहरी चौकी जैतापुरबाट खटिएको प्रहरी टोलीले रामनगर बाट मधुवन तर्फ जादै गरेको नम्बर नलेखेको कालो-खैरो हिरो सुपर स्पेलेन्डर मोटरसाईकल रोक्न खोज्दा नरोकि भागेकोमा उक्त मोटरसाईकललाई लखेट्दै जादाँ मोटरसाईकल चालक र पछाडि सवार दुवै  जना मोटरसाईकल र निजहरुको साथमा रहेको पहेलो रङको बोरा छाडि फरार भएको र उक्त पहेलो बोरा चेकजाँच गर्दा लागु औषध फेला पारी नियन्त्रणमा लिई, फरार व्यक्तिको खोजतलास भईरहेको छ । यस सम्बन्धमा प्रहरीले आवश्यक अनुसन्धान गरिरहेको छ ।