सिरहा, सिरहा नगरपालिका-१७ स्थितबाट लागु औषध मुद्दामा १ महिना ११ दिन कैद तोकिएको फरार प्रतिवादी सोही स्थान बस्ने मुनिलाल यादवको छोरा अन्दाजी वर्ष २५ को भुनेश भन्ने गुनेश यादवलाई बिहीबार दिउँसो प्रहरीले नियन्त्रणमा लिएको छ । इलाका प्रहरी कार्यालय माडरबाट खटिएको प्रहरी टोलीले खोजतलास गर्दै जाने क्रममा  निजलाई गाउँ घर वतनबाटै नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।