सिरहा, गोलबजार नगरपालिका-६ लामा टोल स्थितबाट लागु औषध नाईट्रोभेट-१० ट्याब्लेट २ पत्तामा २२ पिस ट्याब्लेट सहित सोही स्थान बस्ने उदय नारायण साहको छोरा अन्दाजी वर्ष २४ को राजन कुमार साहलाई बिहीबार दिउँसो प्रहरीले नियन्त्रणमा लिएको छ । लामा टोल भित्री सडक खण्डमा सवारी दुर्घट्ना भएको छ भन्ने खबर प्राप्त हुनासाथ इलाका प्रहरी कार्यालय गोलबजारबाट प्रहरी टोली खटिगई बुझ्दा गोलबजारबाट पानीटंकी तर्फ जाँदै गरेको बा.३२ प. ४३५० नम्बरको मोटरसाईकल आफै अनियन्त्रित भई  दुर्घट्ना हुँदा चालक सकुसल रहेको र शंका लागि निजको शरीरको खानतलासी गर्दा निजले लगाएको ट्र्याक पाईन्टको बायाँ खल्तीमा लागु औषध नाईट्रोभेट ट्याब्लेट २ पत्ता फेला पारी निजलाई मोटरसाईकल सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।