सर्लाही, कौडेना गाउँपालिका-१ स्थितबाट लागु औषध गाँजा १५ किलो ९ ग्राम र बा ९१ प ६५८१ नम्बरको मोटरसाईकल बिहीबार दिउँसो प्रहरीले नियन्त्रणमा लिएको छ । लखनदेही खोलाको बाँध छेउमा प्रहरी चौकी सुन्दरपुर सर्लाहीबाट खटिएको प्रहरी टोलीलाई देखी मोटरसाईकल चालक र पछाडी सवार मानिस मोटरसाईकल र जेब्रा झोला छाडी फरार भएकोमा उक्त जेब्रा झोला चेक जाँच गर्दा  उक्त परिमाण बराबरको लागू औषध गाँजा फेला परेकोले लागु औषध सहित मोटरसाईकल नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।