पर्सा, बिरगंज महानगरपालिका वडा नं. १६ बसपार्क स्थित सिस महल होटल एण्ड लज अगाडीबाट लागु औषध गाँजा ५ किलो २ ग्राम (प्लास्टिक सहित) सहित जिल्ला मकवानपुर कैलाश गाउँपालिका वडा नं. ८ बस्ने बुदे थिङको छोरा सुर्य बहादुर थिङ र राम बहादुर तामाङको छोरा वर्ष ३६को हिरालाल तामाङलाई सोमबार बेलुका प्रहरीले नियन्त्रणमा लिएको छ । प्रहरी चौकी बसपार्क पर्साबाट खटिएको गस्ती टोली मधेश प्रदेश ०३-००१ख २३०९ नम्बरको ई- रिक्सामा चढ्न लागेको अवस्थामा निजहरुलाई शंका लागि चेक जाँच गर्दा उक्त परिमाण बराबरको लागु औषध फेला परेकोले लागु औषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।