१.      रौतहट, ईशनाथ नगरपालिका वडा नं. ४ महुलिया टोल स्थितबाट शंकास्पद अवस्थामा रहेको भारतीय WB16AK3973 नं.को इको स्पोर्ट कार, BR05R6221 स्कुटर, BR05A3985 प्यासन प्रो, BR05U3317, BR06BZ8008, BR05S8539 र BR05AF7394 ग्यालेम्भर र BR05AA3365, BR05AY1224 र नम्बर प्लेट नभएको २ वटा स्पलेण्डर मोटरसाईकल सहित जम्मा ११ वटा सवारी साधनहरु प्रहरीले शनिबार राति नियन्त्रणमा लिएको छ । जिल्ला प्रहरी कार्यालय रौतहटबाट खटिएको प्रहरी टोलीले गोप्य सूचनाको आधारमा जिल्ला रौतहट ईशनाथ नगरपालिका वडा नं. ४ स्थितमा रहेको आँपको बगैंचामा लुकाई छिपाई राखेको उल्लेखित सवारी साधनहरुलाई प्रहरी नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।