१.       पर्सा, बिरगंज महानगरपालिका वडा नं. १६ नगवा स्थितबाट लागू औषध खैरो हेरोइन जस्तो देखिने बस्तु (धुलो) ( प्लाष्टिक सहित १ ग्राम ५२० मिलिग्राम, प्लाष्टिक बाहेक १ ग्राम) सहित सोही स्थान फुलबारी टोल बस्ने नागेन्द्र रायको छोरा वर्ष २० को बिकि रायलाई बुधबार राती प्रहरीले नियन्त्रणमा लिएको छ । वडा प्रहरी कार्यालय बिर्ताबाट खटिएको प्रहरी चेकिङ्ग टोलिले सवारी साधनहरु चेकजाँच गर्ने क्रममा नगवाबाट भुकार चोक तर्फ पैदल जादै गरेको निज माथि शंका लागी रोकी रित पुर्व चेकजाँच गर्दा निजले लगाएको पाईन्टको दाँहिने खल्तिको पर्स भित्र स-साना २(दुइ) ओटा सेतो प्लाष्टिकमा लुकाई छिपाई राखेको अवस्थाबाट लागू औषध फेला पारी उक्त लागू औषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।