१.      महोत्तरी, बर्दिबास नगरपालिका-१४ गोलचक्रबाट अवैध लागूऔषध Spasmo-proxyvon-plus-७२ पिस, Nitrazepam IP १० mg-५० पिस Codeine(ONSCEN १०० ml को ३ बोत्तल-,RJT-SCEN-१ बोत्तल, Exiplon-१ बोत्तल सहित १ जनालाई सोमबार दिउँसो प्रहरीले पक्राउ गरेको छ । पक्राउ पर्नेमा बर्दिबास नगरपालिका चडा नं. १४ बस्ने अन्दाजि ३२ बर्षीय मो.रियाज अंसारी रहेका छन् । इलाका प्रहरी कार्यालय बर्दिबास र लागूऔषध नियन्त्रण ब्यूरो शाखा कार्यालय बर्दिबासबाट खटिएको प्रहरीले औरहीबाट बर्दिबासतर्फ आउँदै गरेको प्रदेश २-०२-००१ प ६४५१ नम्बरको मोटरसाइकलमा सवार निजलाई उक्त पदार्थहरु सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, गोलबजार नगरपालिका-४ गोलचक्रबाट अवैध लागूऔषध खैरो हेरोइन जस्तो देखिने पदार्थ ३ ग्राम ९ सय ७० मिलिग्राम सहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा धनगढीमाई नगरपालिका-१० बस्ने २० वर्षीय राधे श्याम साह र सोही नगरपालिका-५ बस्ने २४ वर्षीय रितिक कुमार सिंह रहेका छन् । इलाका प्रहरी कार्यालय गोलबजार र लागूऔषध नियन्त्रण ब्यूरो शाखा कार्यालय गोलबजारबाट खटिएको प्रहरीले कसहाबाट गोलबजारतर्फ आउँदै गरेको मधेश प्रदेश ०१-००४ प ९३७३ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।