१.      धनुषा, जनकपुर उप- महानगरपालिका-१ पुलचौकबाट अवैध लागूऔषध खैरो हेरोइन जस्तो देखिने पदार्थ ९ सय ५० मिलिग्राम सहित १ जनालाई शुक्रबार साँझ प्रहरीले पक्राउ गरेको छ । पक्राउ पर्नेमा सहिदनगर नगरपालिका-४ घर भई हाल जि.धनुषा जनकपुर उप-महानगरपालिका-२ वकिल टोल बस्ने शिव नारायण गोहिबारको छोरा अन्दाजि वर्ष १७ को श्याम गोहिबार रहेका छन् । वडा प्रहरी कार्यालय रेल्वे धनुषाबाट खटिएको प्रहरीले पुलचोक स्थित रेल्वे ट्रयाक नजिकै कपिलेश्वरबाट पुलचोक तर्फ आउँदै गरेको मधेश प्रदेश २-०२-००३ प १०६७ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, बिष्णुपुर गाउँपालिका-१ सिरहा चौहर्वा सडक खण्डबाट अवैध लागूऔषध NITRAZEPAM TAB. १ पत्ता १०वटा  ट्यावलेट, ज. १२ प. ३४६८ को मोटरसाइकल सहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेमा कल्याणपुर नगरपालिका-८ मझाउ टोल बस्ने नरेश ठाकुरको छोरा अन्दाजि बर्ष २५ को जितेन्द्र ठाकुर र सोहि मोटरसाइकलमा पछाडि सवार सोही स्थानमा बस्ने राम नारायण यादबको छोरा बर्ष २० को बिशम्बर यादब रहेका छन् । इलाका प्रहरी कार्यालय बिष्णुपुरबाट  खटिएको प्रहरीले सिरहाबाट चौहर्वा तर्फ जादै गरेको उक्त मोटरसाइकललाई चेकजाँच गर्दा निज बिशम्बर यादबको साथबाट उक्त पदार्थ फेला पारी लागू पदार्थ र मोटरसाइकल सहित निजहरुलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      सिरहा, भगवानपुर गाउँपालिका-३ अभयनगरबाट अवैध लागूऔषध खैरो हेरोइन जस्तो देखिने पदार्थ १० ग्राम सहित२१ जनालाई शनिबार राती प्रहरीले पक्राउ गरेको छ । पक्राउ पर्नेमा बरियारपुरपट्टि गाउँपालिका-०४ शिवनगर घर भई हाल जिल्ला सिरहा लहान नगरपालिका-१३ बस्ने चनरदेव ठाकुर बरहीको छोरा अन्दाजि बर्ष १९ को दिलिप कुमार शर्मा र सोही नगरपालिका-२४ बस्ने मोहित लाल यादवको छोरा अन्दाजि बर्ष १८ को रोशन कुमार यादव रहेका छन् । सश्स्त्र प्रहरी सुरक्षा गुल्म इनर्वा सिरहाबाट खटिएको टोलीले भारतबाट नेपालतर्फ आउदै गरेको ना ५९ प ९३७५ नं. को मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

४.      धनुषा, मुखियापट्टी मुसहरनिया गाउपालिका-६ बैरियाबाट बेवारिसे अवैध लागूऔषध गाँजा २२७ किलो ४२६ ग्राम शनिबार दिउँसो प्रहरीले नियन्त्रणमा लिएको छ । अबैध रुपमा लागूऔषध गाँजा राखिरहेको छ भनी गोप्य सुचनाको आधारमा जिल्ला प्रहरी कार्यालय धनुषा र प्रहरी चौकी बहेडाबेला धनुषाबाट खटिएको संयूक्त प्रहरीले उक्त स्थानमा गई चेकजाँच गर्दा बिशेस्वर यादवको छोरा अन्दाजि बर्ष ५० को सिबन यादको गोठघरबाट १३ वटा पोका र सोही स्थानमा बस्ने अन्दाजि बर्ष ४० को रामपृत यादवको केराउको खेतबाट तिनवाट बोरा भित्र राखेको २४ वटा पोकाबाट गरी जम्मा उक्त लागूऔषध नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।