१.      सर्लाही,मलंगवा नगरपालिका-८ गोरखकाली चोकबाट चाँदी जस्तो देखिने पदार्थ बिस्कुट थान १ (७१२ ग्राम) सहित १ जनालाई बिहिबार दिउँसो प्रहरीले पक्राउ गरेको छ । पक्राउ पर्नेमा सर्लाही मलंगवा नगरपालिका-२ बस्ने विनोद साह सोनारको छोरा अन्दाजि बर्ष २२ को विकास साह सोनार रहेका छन् । प्रहरी चौकी गोरखकाली सर्लाहीबाट खटिएको प्रहरी चेकिङ् टोलिले भारतबाट नेपाल तर्फ आउँदै गरेको BR 30 AN 7045 नम्बरको मोटरसाइकलमा सवार निजलाई उक्त पदार्थ र मोटरसाइकल सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।