१.      सप्तरी,मिति २०७९।११।०३ गते अ.१२;३० बजेको समयमा जिल्ला सप्तरी बोदेबर्साईन न.पा. ३ वस्ने रतिलाल मण्डलको छोरा वर्ष अ. ५५ को जोगिन्द्र मण्डल कुटपिट मुद्वाका फरार प्रतिवादी, लगत न.३७९६,लगत कसेको मिति २०७८।०२।१२ गते, जरिवाना ३,०००।- (तिन हजार) भएको लाई ई.प्र.का.बोदेबर्साईनबाट प्रसनिको कमाण्डमा खटिएको टोलिले  निजलाई आफनै घरबाट पक्राउ  गरी ई.प्र.का.बोदेबर्साईनमा ल्याई आवश्यक कार्वाहीको लागि सम्मानित सप्तरी जिल्ला अदालत सप्तरी राजविराजमा वुझाउन पठाईएको ।

साथै, मिति २०७९।११।०३ गते अं. ०९;०० बजेको समयमा जि.सप्तरी कंचनरुप न.पा. ११ धरमपुर टोलमा  प्र.ना.नि.को कमाण्डमा खटि गएको गस्ति टोलिले भ्रष्टाचार मुद्दाको लगत नं. २७३८ को ३ महिना कैद भएको फरार प्रतिवादी ऐ.ऐ. बस्ने अं. बर्ष ५५।६० को कृष्ण बहादुर दाहाललाई निजको गाउँ टोलमा पक्राउ गरी ई.प्र.का. कंचनपुर सप्तरीबाट प्र.स.नि. को कमाण्डमा सम्मानित सप्तरी जिल्ला अदालतको लागि पठाईएको ।  

२.      सिरहा,मिति २०७९।११।०३ गते अं. १७:०० बजेको समयमा जिल्ला सिरहा धनगढीमाई न.पा.११ लोकमार्ग आम चौक स्थितमा गोप्य सुचनाको अधारमा ई.प्र.का.धनगडी सिरहाबाट प्र.ना.नि को कमाण्डमा खटिएको टोलीले सम्मानित जिल्ला अदालत सिरहाको लगत नं. ४२८० मिति २०७२/०२/२४ गते को फैसला अनुसार १ महिना १५ दिन कैद र रु.२०००।- (दुई हजार जरिवाना) समेत तोकेको लागु औषध मुद्धाको फरार प्रतिवादी ऐ.सुखिपुर न.पा. १ मोहनपुर बस्ने रामबहादुर यादवको छोरा अं. बर्ष ३५ को पिन्टु भन्ने रबिन्द्र कुमार यादवलाई पक्राउ गरि  ई.प्र.का. लहान सिरहामा बुझाईएको । थप टिपोटः-ऐ. २१;०० बजेको समयमा घाइते बिनोद सिंह दनुवारलाई थप उपचारको लागि बिराटनगरतर्फ पठाईएको  ।

साथै, मिति २०७९।११।०३ गते अं.१०:३० बजेको समयमा प्र.ना.नि को कमाण्डमा खटिएको टोलीले सम्मानित सिरहा जिल्ला अदालतबाट लागत न. ७२३७ मिति २०७६/०८/१२ गतेको फैसला अनुसार रु. ५०० जरिबाना तोकिएका अभेलना मुद्दाका फरार प्रतिवादीहरु जिल्ला सिरहा धनगढीमाई न.पा.६ फुल्काहाकट्टि  बस्ने निर्मल महतोको छोरा अ. बर्ष ५८ को लक्ष्मेश्वर महतो र निजको श्रीमती अ. बर्ष ५५ की शुसिला कुमारी कोईरीलाई गाउँघरबाट पक्राउ गरि ई.प्र.का.धनगडीमा ल्याई जिल्ला अदालत पठाउने पहल भईरहेको ।

३.      धनुषा, मिति २०७९/११ /०३ गते निम्न बजेको समयमा जिल्ला धनुषा निम्न स्थान बस्ने बिभिन्न मुद्दाका ५(पाँच) जना फरार प्रतिबादीहरुलाई जि.प्र.का.धनुषाको टोलीले नियन्त्रणमा लिई आवस्यक कार्बाहीको लागी निज फरार प्रतिवादीहरूलाई समानित धनुषा जिल्ला अदालतमा उपस्थित गराइएको ।

४.      बारा, मिति २०७९।११।०३ गते अं १४;२० बजेको समयमा जिल्ला बारा जितपुर सिमारा उ.म.न.पा.१६ महेन्द्रनगर बस्ने अं बर्ष ३४ को किष्ण बहादुर बि.क. (सवारी अंङ्गभंङ्ग मुदाको २ बर्ष कैद फैसला भएको) फरार प्रतिवादीलाई प्र.नि.को कमाण्डमा खटिएको टोलिले आफ्नै घरबाट नियन्त्रणमा ल्याई राखेको ।

५.      पर्सा, मिति २०७९।११।०३ गते अं.१४;५० बजेको समयमा जिल्ला पर्सा बिरगंज म.न.पा.-२ छपकैया बस्ने बैकिङ कसुर मुद्दाको फरार प्रतिबादी रफिक मिया हजामको छोरा बर्ष-४० को समसुद मिया हजामलाई ई.प्र.छपकैयाबाट प्र.ना.नि.को कमाण्डमा खटिएको प्रहरी टोलीले निजकै घर वतन बाट पक्राउ गरी आवश्यक कार्वाहीको लागी जि.प्र.का.पर्सामा बुझाएको ।