फरार प्रतिवादी नियन्त्रण

२०७९-१२-२१

A
A^-
A⁺

१. सर्लाही, मिति २०७९।१२।२० गते अं.१९:०० बजेको समयमा जिल्ला सर्लाही ईश्वरपुर न.पा. ७ बस्ने वर्ष ४२ को शान्ती प्रसाद घिमिरे ( मुद्धा शिर्षक ज्यान मार्ने उधोग) र जिल्ला सर्लाही बरहथवा न.पा. ३ बस्ने वर्ष २४ को नरेश नुनिया (मुद्धा शिर्षक ज.ज.क. उधोग) का फरार प्रतिवादीहरुलाई पक्राउ गरी आवश्यक कारवाहीको लागी सम्मानित जिल्ला अदालत मलंगवामा पेश गरेकोमा धरौती तिर्न नसकी सिन्धुली कारागार पठाउने आदेश पत्र सहित तत्काल जि.प्र.का.सर्लाहीमा ल्याई राखेको ।

सम्बन्धित समाचार

सामान सहित ट्रक नियन्त्रणमा लिएको

२०८१-०९-२९

बारा, जितपुरसिमरा उ.म.न.पा.वडा नं.२१ स्थित चेकपोईन्ट अगाडी बिलबिजक भन्दा बढी सामान तथा राज्श्व छलीको आशंकामा अं. मुल्य.रु.७१,७४,५९१।–(एकहत्तर लाख चौहत्तर हजार पाँच सय एकानब्बे ) रुपैया बराबरको Ppwovenbag,Medicine, Kictchen Oven (भाडा कुडा) र Vaccinis लगाएतका सामानहरु सहित प्रहरीले नियन्त्रणमा लाइएको छ । इ.प्र.का. अमलेखगंजबाट खटिएको चेकिङ टोलिले बिरगंजबाट रुपन्देही तर्फ जादै गरेको प्र २-०३-००१ ख २८८८ नं. को ट्रकलाई रोकी चेकजाँच गर्ने क्रममा ट्रक नियन्त्रणमा लिई आवश्यक अनुसन्धान तथा कारवाहिको लागि राजश्व अनुसन्धान कार्यालय पथलैया, बारामा बुझाइएको छ ।

हातहतियार सहित मानिस नियन्त्रणमा

२०८१-०९-२९

सर्लाही, ब्रहम्पुरी गाउँपालिका- ३ भेल्ही चोक स्थितबाट कटुवा पेस्तोल-१ थान, 8 mm को जंगी राउण्ड गोली-२ थान सहित मोटरसाईकल चालक देश भारत सितामढी रजवारा मुसहरनीया बस्ने राम पुकार साहको छोरा अं. वर्ष २४ को प्रवचन साह र सोही मोटरसाईकल पछाडी सवार जिल्ला सर्लाही ब्रहमपुरी गाउँपालिका-४ बस्ने संजय पासवानको छोरा अं. वर्ष १८ को विक्रम पासवानलाई आईतवार बेलुका प्रहरीले नियन्त्रणमा लिएको छ । जिल्ला प्रहरी कार्यालय सर्लाहीमा देश भारत जिल्ला सितामढी ग्राम बसतपुर वडा नं.७ बस्ने रंजन दासको छोरा अं. वर्ष १५ को लभ कुमार दासलाई लेनदेनको विषयलाई लिएर जिल्ला सर्लाही ब्रहमपुरी गाउँपालिका-४ बस्ने अं. वर्ष ६८ को रामजी साहको घरमा बाँधी राखेको छ भन्ने विशेष सुचनाको आधारमा खटिएको प्रहरी टोलीले शंकास्पद स्थानमा चेकजाँच गर्ने क्रममा BR 06 BT 2850 नं. को मोटरसाईकलमा कटुवा पेस्तोल सहित २ जना मानिसहरुलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

लागू औषध चरेस जस्तो देखिने वस्तु नियन्त्रण

२०८१-०९-२९

पर्सा, बिरगंज महानगरपालिका वडा नं.१६ गणेश टोल स्थितबाट प्रतिबन्धित लागु औषध चरेस जस्तो देखिने वस्तु १९ किलो ५०० ग्राम आईतवार राती प्रहरीले नियन्त्रणमा लिएको छ । प्रहरी चौकी गणेशटोलबाट खटिएको प्रहरी गस्ती टोलीलाई देखी १ जना पुरुष मानिस १ वटा बोराको पोका सडकमा फाली भागी गएकोमा प्रहरी टोलीले उक्त बोरा खोली हेर्दा अबैध लागु औषध चरेस जस्तो देखिने वस्तु १३ वटा प्लाष्टिकको पोकालाई टेपले बेरिएको अबस्थामा फेला परेकोमा उक्त अवैध लागु औषध चरेस जस्तो देखिने वस्तुलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

प्रतिबन्धित लागु औषध गाँजा नियन्त्रणमा

२०८१-०९-२८

सप्तरी, बलानविहुल गाउँपालिका वडा नं.१ बलान पट्टी स्थितबाट प्रतिबन्धित लागु औषध गाँजा अं.६७० किलो शनिवार राती प्रहरीले नियन्त्रणमा लिएको छ । प्रहरी चौकी मौवहामा देवदत्त साहको खेतमा रहेको मनोहर यादवको परालमा लागु औषध गाँजा लुकाई छिपाई राखेको छ भन्ने विशेष सुचनाको आधारमा खबर प्राप्त हुना साथ प्रहरी चौकी मौवहाबाट खटिएको प्रहरी टोलीले खोज तलास गर्दा उक्त पराल भित्र लुकाई छिपाई राखेको अवस्थामा प्लाष्टिकको पोका २४ वटा नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

प्रतिबन्धित लागु औषध गाँजा सहित ट्रक नियन्त्रणमा

२०८१-०९-२८

पर्सा, बिरगंज म.न.पा.२४ बहुअरी स्थितबाट लागु औषध गाँजा १३२ किलो शनिवार दिउँसो प्रहरीले नियन्त्रणमा लिएको छ । जिल्ला प्रहरी कार्यालय पर्सा सुचना संकलनको टोलीले BR 01 GL 3928 नं.को ट्रक रोकी राखेको अवस्थामा शंका लागी चेकजाँच गर्दा उक्त ट्रकभित्र रहेको केबिनमा पहेलो प्लाष्टिकमा बेरी लुकाई-छिपाई राखेको प्रतिबन्धित लागु औषध गाँजा ९ पोका सहित ट्रक नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।

प्रतिबन्धित लागु औषध नाइट्राभेट ट्याब्लेट सहित मानिस नियन्त्रणमा

२०८१-०९-२८

सिरहा, लहान नगरपालिका-१ पानीटंकी स्थितबाट प्रतिबन्धित लागु औषध DIAZEPAM-30 एम्पुल, PHENERGAN-30 एम्पुल, BUPRENORPHINE-30 र COUGH LINCTUS-14 बोतल सहित लहान नगरपालिका-१ बस्ने जगदिस ठाकुरको छोरा अं. बर्ष ४५ को दयाराम ठाकुरलाई आईतवार दिउँसो प्रहरीले नियन्त्रणमा लिएको छ । प्रहरी चौकी लहान, ईलाका प्रहरी कार्यालय लहान र जिल्ला प्रहरी कार्यालय सिरहाबाट खटिएको संयुक्त प्रहरी टोलीले लहान नगरपालिका-१ बस्ने दयाराम ठाकुरको घर खानतलासी गर्दा घरमा लुकाई छिपाई राखिएको अवस्थामा प्रतिबन्धित लागु औषध सहित मानिसलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।