१.      सप्तरी, मिति २०८१/०१/२७ गते बिहान अं. ०३:३० बजेको समयमा जिल्ला सप्तरी सप्तकोशी न.पा. १ मा रहेको नेपाल बैंक लिमिटेड फत्तेपुर शाखा, सप्तरीमा बैंक लुटपाट गर्ने उद्देश्यले बैंक भित्र प्रवेश गरी सोही बैंकका सुरक्षा गार्डको रुपमा डिउटीमा रहेका सप्तकोशी न.पा. २ बस्ने वर्ष ५५ को पर्शुराम फुंयाललाई धारिलो हतियार खुकुरी प्रहार गरी कर्तव्य गरी हत्या गरेको घट्ना सम्बन्धमा मधेश प्रदेश प्रहरी प्रमुख प्र.ना.म.नि. यज्ञ बिनोद पोखरेलको प्रत्यक्ष निर्देशन र समन्वयमा मधेश प्रदेश प्रहरी कार्यालयबाट खटिएको तालिम प्राप्त कुकुर सहितको प्राविधिक टोली र जि.प्र.का सप्तरी समेतको संयुक्त प्रहरी टोलीले अनुसन्धान गरी उक्त घट्नामा संलग्न रहेका सप्तकोशी न.पा. ५ बस्ने वर्ष ३२ को चन्द्र बहादुर सुबेदीलाई खोजतलास गर्दै जाने क्रममा मिति २०८१/०१/२९ गते राप्ती न.पा. १ लोथर चितवनबाट नियन्त्रणमा लिई जि.प्र.का. सप्तरीमा ल्याई थप अनुसन्धान कार्य भईरहेको ।

घट्नामा बरामद भएको सामानहरु:

१.      घट्नामा प्रयोग भएको खुकुरी,

२.      अभियुक्तले घट्नाको समयमा बोकेको झोला,

३.      घट्नाको समयमा लगाएको जुत्ता, पञ्जा, सेन्डो, टोपी र सल,

४.      घट्नामा प्रयोग भएको हेक्सो ब्लेड, रेन्चु, पिलास, डोरी र रड,

५.      वरदात स्थलमा प्रयोग गरेको काठ ।