लागू औषध सहित मानिस नियन्त्रणमा

२०८१-०२-२७

A
A^-
A⁺

१. पर्सा, जिल्ला पर्सा बिरगंज म.न.पा. १६ त्रिशुल चोक स्थितबाट लागू औषध खैरो हेरोईन जस्तो देखिने वस्तु प्लाष्टिक सहित २०.७४० मिलिग्राम सहित जिल्ला बारा फेटा गा.पा. ७ गमहरिया बस्ने बर्ष २० को अजय कुमार वैठा, विश्रामपुर गा.पा. १ कल्याणपुर बस्ने बर्ष २२ को रवी कुमार यादव र बर्ष २० को रंजित कुमार मुखियालाई शनिवार साँझ प्रहरीले पक्राउ गरेको छ । प्रहरी चौकी बसपार्क र लागू औषध नियन्त्रण ब्युरो बिरगंजबाट खटिएको संयुक्त प्रहरी टोलिले BR 05 AY 7289 नम्बरको मोटरसाईकललाई चेकजाँच गर्ने क्रममा उक्त लागू औषध सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

२. बारा, मिति २०८१/०२/२७ गते साँझ जिल्ला बारा सिम्रौनगढ नगरपालिका १ हनुमानचोक स्थितमा प्रहरी चौकी श्रीनगर बैरिया र इलाका प्रहरी कार्यालय सिम्रौनगढ, बाराबाट खटिएको संयुक्त चेकिङ टोलीलाई देख्ना साथ नयकाटोलबाट भारत तर्फ जाँदै गरेको BR 05 C 7054 नं.को मोटरसाइकल छाडी चालक फरार भएको हुदाँ उक्त मो.सा. लाई चेक जाँच गर्दा लागू औषध गाँजा १० के.जी. फेला परेकोले उक्त लागू औषध र मो.सा. नियन्त्रणमा लिई प्रहरीले थप अनुसन्धान कार्य गरिरहेको छ ।

३. बारा, जिल्ला बारा जितपुरसिमरा उ.म.न.पा.२१ स्थितबाट लागू औषध गाजाँ ८० के.जी. जिल्ला चितवन राप्ती न.पा १० रिकाटार बस्ने बर्ष २५को मान बहादुर वाईवा र जिल्ला मकवानपुर राक्सीराङ गा.पा. ५ बस्ने बर्ष २६ को सुमन स्याङ्ताङलाई शनिवार बिहान प्रहरीले पक्राउ गरेको छ । इलाका प्रहरी कार्यालय अमलेखगंजबाट खटिएको प्रहरी चेकिङ टोलीले चेक जाँच गर्ने क्रममा मनहरीबाट पथलैया तर्फ आउँदै गरेको बा. १० च. ३६१९ नम्बरको कारलाई उक्त लागू औषध सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

४. सिरहा, जिल्ला सिरहा लहान न.पा. ३ रेडक्रस भवन अगाडिबाट लागू औषध Phenergan-२० एम्पुल, Diazepam-२० एम्पुल र Buprenorphine-२० एम्पुल सहित जिल्ला उदयपुर त्रियुगा न.पा. १३ शान्ति टोल बस्ने बर्ष २० को परास राईलाई शनिवार राती प्रहरीले पक्राउ गरेको छ । इलाका प्रहरी कार्यालय लहानबाट खटिएको प्रहरी टोलिले चेकजाँच गर्ने क्रममा उक्त लागू औषध सहित निजलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

५. बारा, मिति २०८१/०२/२७ गते बिहान जिल्ला बारा जितपुरसिमरा उ.म.न.पा. १ पथलैया स्थितमा प्रहरी चौकी पथलैयाबाट खटिएको चेकिङ टोलीले हेटौंडाबाट पथलैया तर्फ आउँदै गरेको प्र.०३-००२प ५८५४ नं.को मोटरसाईकल प्रहरी चेकिङ टोलीलाई देख्ना साथ मो.सा. छाडी चालक फरार भएकोले उक्त मो.सा. पछाडी बाधीँ राखेको झोला चेकजाँच गर्दा ३२ के.जी. लागू औषध गाँजा फेला परेकोले उक्त लागू औषध सहित मो.सा. नियन्त्रणमा लिई प्रहरीले थप अनुसन्धान कार्य गरिरहेको छ ।

सिरहा, जिल्ला सिरहा औरही गाउँपालिका १ दरहिया हनुमान चोक स्थितबाट ब्राउन सुगर जस्तो देखिने पदार्थ ७.३१० ग्राम सहित जिल्ला सिरहा गोलबजार न.पा.२ बस्ने वर्ष २६ को रुपेश कुमार साहलाई आईतवार बिहान प्रहरीले पक्राउ गरेको छ । प्रहरी चौकी हर्कट्टी, सिरहाबाट खटिएको प्रहरी टोलीले भारतबाट नेपाल तर्फ आउँदै गरेको मो.सा.लाई चेकजाँच गर्ने क्रममा उक्त लागू औषध सहित निजलाई पक्राउ गरेको हो । मो.सा. र मो. सा. चालक फरार रहेको तथा यस सम्बन्धमा प्रहरीले थप अनुसन्धान गरिरहेको छ ।

सम्बन्धित समाचार

लागू औषध सहित मानिस नियन्त्रणमा

२०८१-०५-२१

१. रौतहट, गौर नगरपालिका ८ बसपार्क स्थितबाट लागू औषध Cocas Dx 100 ml को १० बोतल, Cocas Dx 60 ml को १ बोतल र Nitravet 10 लेखिएको ५ पत्तामा ७५ पिस ट्याब्लेट सहित गरुडा नगरपालिका ४ बस्ने वर्ष २० को संजय कुमार उपाध्यायलाई बिहीवार बेलुका प्रहरीले नियन्त्रणमा लिएको छ । अस्थाई प्रहरी पोष्ट बसपार्कबाट खटिएको प्रहरी गस्ती टोलीले चेक जाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ । २. सर्लाही, पर्सा गाउँपालिका ३ स्थितबाट लागू औषध ONEREX -100 ml को बोतल थान- २०१ सहित जिल्ला सर्लाही हरिवन नगरपालिका ९ बस्ने बर्ष २४ को धर्मेन्द्र राउतलाई बिहिवार दिउँसो प्रहरीले नियन्त्रणमा लिएको छ । प्रहरी चौकी नारायणपुर सर्लाहीबाट खटिएको प्रहरी टोलीले भारतबाट नेपाल तर्फ आउँदै गरेको प्र.१-०१-०२ ०५४ प ४८३४ नम्बरको मोटरसाइकललाई चेक जाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ । ३. सर्लाही, बागमती नगरपालिका -१२ स्थितबाट लागू औषध डाईजेपाम ११४ एम्पुल, फेनारगन ११४ एम्पुल र नोर्फिन १०२ एम्पुल गरी जम्मा ३३० एम्पुल सहित बागमती न.पा.-१२ बथाने टोल बस्ने वर्ष ५५ को ओमप्रकाश बर्णवाललाई बिहीवार दिउँसो प्रहरीले नियन्त्रणमा लिएको छ । इलाका प्रहरी कार्यालय कर्मैया र इलाका प्रहरी कार्यालय हरिवनबाट खटिएको संयुक्त टोलीले बिशेष सुचनाको आधारमा ओमप्रकाश बर्णवाल र निजको छोराहरु बिबेक बर्णवाल र बिकाश बर्णवाल समेतले लागू औषध ओसार-पसार तथा बिक्री बितरण गरिरहेको भन्ने खबर प्राप्त हुना साथ निजको घर खानतलासी गर्दा उक्त परिमाणको लागू औषध बरामद गरि निज ओमप्रकाश बर्णवाललाई लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।

लागू औषध सहित मानिस नियन्त्रणमा

२०८१-०५-१९

पर्सा, जि.पर्सा बिन्दवासनी गा.पा. ०२ कर्बोला चोक स्थित भित्री सडक खण्डबाट १ किलो ७५ ग्राम लागू औषै गाँजा सहित जिल्ला पर्सा बहुदरमाई नगरपालिका ९ बिश्रामपुर बस्ने बर्ष ३० को अशोक प्रसाद कुर्मीलाई मंगलवार बिहान प्रहरीले पक्राउ गरेको छ । अस्थाई प्रहरी पोष्ट बहुअर्वाभठाबाट खटिएको प्रहरी टोलीले चेकजाँच गर्ने क्रममा कर्बोलाबाट बिन्दबासनी तर्फ साईकलमा आउँदै गरेको निजलाई चेकजाँच गर्दा उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।

कार र नगद सहित मानिस नियन्त्रणमा

२०८१-०५-१९

पर्सा, बिरगंज महानगरपालिका वडा नं.१६ स्थित भानु प्लाजा होटलमा लागू औषध खरिद बिक्री कार्य भईरहेको छ भन्ने विशेष सूचनाको आधारमा आज दिउँसो जिल्ला प्रहरी कार्यालय पर्साबाट खटिएको प्रहरी टोलीले उक्त होटलको कोठा नं.१०४ बाट भारत राजस्थान ढुगंरपुर पाली बस्ने वर्ष ३६ को बाबुलाल र सोही स्थान बस्ने वर्ष २८ को श्रवण बिसनोईलाई भा.रू.५००/- दरका नोट ६०० थान (रू.३,००,०००/-), भा.रू.२००/- दरका नोट ५९५ थान (रू.१,१९,०००/-), भा. रू.१००/- दरका नोट १०० थान (रू.१०,०००/-), नेपाली रू.१,०००/- दरका नोट- ३९० थान (रु.३,९०,०००/-) गरी जम्मा भा.रू.४,२९,०००/- (चार लाख उनन्तीस हजार) र नेपाली रु.३,९०,०००/- (तीन लाख नब्बे हजार) र मोबाईल थान-२ वटा सहित निजहरुको DL 3 CB U 8035 नम्बरको भारतीय Shift Car नियन्त्रणमा लिई थप अनुसन्धान कार्य भइरहेको छ ।

फरार प्रतिवादी नियन्त्रणमा

२०८१-०५-१९

बारा, खोटा चलन मुद्दामा २ बर्ष कैद र रु.४,७६,८००/- जरिवाना भएको फरार प्रतिवादी जिल्ला बारा सिम्रौनगढ न.पा.४ हरिहरपुर बस्ने बर्ष ३८ को मकसुद अंसारीलाई आज दिउँसो प्रहरी पक्राउ गरेको छ । इलाका प्रहरी कार्यालय सिम्रौनगढबाट खटिएको प्रहरी टोलीले सिम्रौनगढ नगरपालिका ४ हरिहरपुर स्थितबाट निजलाई नियन्त्रणमा लिई सम्मानित बारा जिल्ला अदालत कलैयामा बुझाएको छ ।

वेवारिसे अवस्थामा रहेको लागुऔषध फेला परेको

२०८१-०५-१७

१. पर्सा, बिरगंज महानगरपालिका १६ बसपार्क नजिकबाट लागू औषध चरेस जस्तो देखिने पदार्थ दुई वटा पोकामा ११ के.जी. १०० ग्राम आईतवार राती प्रहरीले बरामद गरेको छ । बसपार्क नजिकै रहेको खाली चौरमा शंकास्पद कालो रंगको झोला वेवारिसे अवस्थामा रहेको छ भन्ने खबर प्राप्त हुना साथ प्रहरी चौकी बासपार्कबाट खटिएको प्रहरी टोलीले चेकजाँच गर्ने क्रममा झोला भित्र उक्त परिमाणको लागू औषध बरामद गरेको हो । यस सम्बन्धमा प्रहरीले थप अनुसन्धान गरिरहेको छ । २. बारा, जितपुरसिमरा उपमहानगरपालिका ७ बैदेही पेट्रोल पम्प स्थितबाट आईतवार बेलुका प्रहरीले बेवारिसे अवस्थामा रहेको लागू औषध गाँजा ४० के.जी. बरामद गरेको छ । बैदेही पेट्रोल पम्प अगाडी रोडको पूर्व साईडको नाला भित्र ४ ओटा झोला संकास्पद अवस्था रहेको छ भन्ने सुचना प्राप्त हुना साथ इलाका प्रहरी कार्यालय जितपुरबाट खटिएको प्रहरी टोलीले चेक जाँच गर्दा ४ ओटा झोला प्रत्येक झोलामा १० के.जी. का दरले लागू औषध फेला पारेको हो । यस सम्बन्धमा प्रहरीले थप अनुसन्धान गरिरहेको छ ।

प्रतिबन्धित लागू औषध सहित मानिस नियन्त्रणमा

२०८१-०५-१७

१. पर्सा, बिरगंज महानगरपालिका १६ गण्डक चोक पोष्ट स्थितबाट प्रतिबन्धित लागू औषध (TROHMA-50) नामक ९२० क्यापसुल सहित जिल्ला मकवानपुर हेटौंडा उ.म.न.पा. वडा नं.१२ बस्ने बर्ष २५ को चन्द्र बहादुर थोक्करलाई आईतवार राती प्रहरीले नियन्त्रणमा लिएको छ । प्रहरी चौकी गण्डकबाट खटिएको टोलीले चेक जाँच गर्ने क्रममा बिरगंजबाट हेटौंडा चल्ने प्र.२-०३-००१ ज ००८६ नम्बरको विंङ्गरको सिट मुनि चिउराको बोरामा लुकाई छिपाई लैजाँदै गरेको उक्त लागू औषध सहित निजलाई प्रहरीले नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ । २. सप्तरी, डाक्नेश्‍वरी नगरपालिका ३ तरही स्थितबाट लागू औषध Promethazine Injection-५ एम्पुल, Phenargan Injection-५ एम्पुल र Diazepam Injection-५ एम्पुल गरी जम्मा १५ एम्पुल सहित जिल्ला सप्तरी शम्भुनाथ नगरपालिका ३ कचन्दाहा बस्ने बर्ष २४ को मिथुन कुमार पासवान र बर्ष २५ को प्रविन पासवानलाई आईतवार बेलुका प्रहरीले नियन्त्रणमा लिएको छ । प्रहरी चौकी तरहीबाट खटिएको प्रहरी टोलीले चेकजाँच गर्ने क्रममा भारतबाट नेपालतर्फ पैदल आँउदै गरेको अवस्थामा चेकजाँच गर्दा निजहरुलाई प्रहरीले उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ।