१.      सिरहा, सखुबान्नकारकट्टी गाउँपालिका ५ महेशवारी चोकबाट लागू औषध नाइट्राभेट ट्याब्लेट ६०० पिस, डाइजोपाम ८१ एम्पुल, फेनारगन ८४ एम्पुल, नोर्फिन ८० एम्पुल, मोफिल नाम गरेको स्टिकर ३ पत्तामा ६१ थान सहित भगवानपुर गाउँपालिका ३ गमहरिया बस्ने बर्ष २९ को सुरेश मुखियालाई आईतबार राती प्रहरीले पक्राउ गरेको छ । इलाका प्रहरी कार्यालय सिरहाबाट खटिएको प्रहरी गस्ति टोलीले भारतबाट नेपाल तर्फ आउँदै गरेको अवस्थामा चेकजाँच गर्दा उक्त लागू औषध सहित निजलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

२.     पर्सा, बिरगंज महानगरपालिका १६ रजतजयन्ती चोकबाट लागू औषध खैरो हिरोईन जस्तो देखिने पदार्थ ६ ग्राम १३० मिलिग्राम (प्लाष्टिक सहित) सहित जिल्ला मकवानपुर हेटौंडा उपमहानगरपालिका १ चौकी टोल बस्ने वर्ष २६ को दिवन बम्जम र सोही स्थान बस्ने बर्ष २८ को सुवास पौडेललाई सोमबार बिहान प्रहरीले पक्राउ गरेको छ । लागू औषध नियन्त्रण ब्युरो शाखा कार्यालय बिरगंज र प्रहरी चौकी ईनर्वाबाट खटिएको संयुक्त प्रहरी टोलीले रक्सौलबाट बिरगंज तर्फ आउँदै गरेको अवस्थामा चेकजाँच गर्दा उक्त लागू औषध सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।