१.     सर्लाही, ईश्वरपुर नगरपालिका १२ स्थित बगुवा खोलाबाट लागू औषध गाँजा १२ किलोग्राम सहित हरिवन नगरपालिका १ बस्ने बर्ष २० को पालदेन योञ्जनलाई सोमवार राती प्रहरीले नियन्त्रणमा लिएको छ । इलाका प्रहरी कार्यालय केशरगंज र अस्थाई प्रहरी पोष्ट कालिन्जोर घारिबथानबाट खटिएको संयुक्त प्रहरी गस्ति टोलीले गस्ती गर्दै जाने क्रममा बा.प्र.०२-०२४ प २७६७ नम्बरको मोटरसाइकलमा सवार निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।