१.     बारा, हातहतियार खरखजाना मुद्दामा ३ महिना कैद र रु. ५,०००/-‍ (पाँच हजार) जरिवाना तोकिएको फरार प्रतिवादी निजगढ नगरपालिका ३ बस्ने मंगललाल भन्ने मंगल बहादुर पाख्रिनलाई बिहीवार दिउँसो प्रहरीले नियन्त्रणमा लिएको छ । इलाका प्रहरी कार्यालय निजगढबाट खटिएको प्रहरी टोलीले खोजतलास गर्दै जाने क्रममा निजलाई घर गाँउ एरियाबाट नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.     बारा, लागू औषध मुद्दामा २० दिन कैद भएको फरार प्रतिवादी कलैया उपमहानगरपालिका १२ शितलपुर बस्ने बर्ष ३५ को मनोज साहलाई बिहीवार दिउँसो प्रहरीले नियन्त्रणमा लिएको छ । प्रहरी चौकी मटिअर्वाबाट खटिएको प्रहरी टोलीले निजलाई घर वतन एरियाबाट नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।