१.     सप्तरी, बहुविवाह मुद्दामा १ बर्ष कैद र रु. १०,०००/- जरिवाना भएको फरार प्रतिवादी बिष्णुपुर गाउँपालिका १ बस्ने अजय यादवलाई सोमबार बेलुका प्रहरीले पक्राउ गरेको छ । इलाका प्रहरी कार्यालय बिष्णुपुरबाट खटिएको प्रहरी टोलीले निजलाई घर वतन एरिया अन्तर्गतबाट नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.     रौतहट, कर्तव्य ज्यान मुद्दाका फरार प्रतिवादी जिल्ला रौतहट दुर्गाभगवती गाउँपालिका ४ छतौना टोल बस्ने वर्ष ४० को मोहमद जनिफलाई सोमबार साँझ प्रहरीले पक्राउ गरेको छ । जिल्ला प्रहरी कार्यालय रौतहटबाट खटिएको प्रहरी टोलीले खोजतलास गर्दै जाने क्रममा निजलाई दुर्गाभगवती गाउँपालिका २ पिपरा बजारमा लुकिछिपि हिंडडुल गरिरहेको अवस्थामा पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।