१.    पर्सा, बिरगंज महानगरपालिका १३ पावरहाउस चौक स्थित ड्राईपोर्ट तर्फ जाने सडक खण्डबाट खैरो हेरोईन जस्तो देखिने पदार्थ २.३२० ग्राम लागू औषध सहित बिरगंज महानगरपालिका २९  बस्ने बर्ष ६१ को ठाकुर प्रसाद साह कानुलाई मंगलबार साँझ प्रहरीले पक्राउ गरेको छ । वडा प्रहरी कार्यालय श्रीपुरबाट खटिएको प्रहरी चेकिङ टोलिले प्रदेश २-०३-०२० प ८७२४ नम्बरको मोटरसाइकललाई चेक जाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.    सप्तरी, राजगढ गाउँपालिका ३ झौहरा चोक स्थितबाट ५ किलो ग्राम लागु ओैषध गाँजा सहित महादेवा गाउँपालिका ८ बस्ने बर्ष २४ को देबेन्द्र कुमार मण्डललाई मंगलबार दिउँसो प्रहरीले पक्राउ गरेको छ । प्रहरी चौकी झुट्कीबाट खटिएको प्रहरी टोलीले गस्ती गर्दै जाने क्रममा नेपालबाट भारततर्फ जाँदै गरेको प्र.२-०१-००३ प ८७३८ नम्बरको मोटरसाइकललाई चेक जाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।