पर्सा, पर्सागढी नगरपालिका ८ हरपुर स्थितबाट वेवारिसे अवस्थामा रहेको १ थान भरुवा बन्दुक शनिवार बेलुका प्रहरीले बरामद गरेको छ । इलाका प्रहरी कार्यालय एकटाँगाबाट खटिएको प्रहरी टोलीले गस्ती गर्दै जाने क्रममा सोही नगरपालिका नजिकै बाटो छेउमा सार्वजनिक जग्गामा बेवारिसे अवस्थामा रहेको अबैध भरुवा बन्दुक प्रहरीले बरामद गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।